EK ADHURE PYAR KO PATRA (LETTER) PART- 3/3 (END)
(PART – 3)
Maine aapse wada kiya tha (jab last time 19/04/2012 ko mujh se aakhiri bar mujh se phone par bat ki thi) ki main aapko zindagi me dubara kabhi pareshan nahi karunga kyoki aapne bhi aisa hi kaha tha ki aap mujh se tabhi bat karna jab permission mil jaye. Are kaun se maa baap apne bachcho ko khush nahi dekhna chahte hain aur isi wajah se mujhe pehle hi permission mil gayi thi jise ki ab maine wapis kar di hai.... Aur aapne mujhe ye bhi kaha tha ki main sabko pehchan gayi hu aur aapko kabhi permission nahi milegi aur aap mujhse kabhi bat mat karna aur aapki mummy ne ek bar bhi mana nahi kiya aur na hi mujhe boli ki koi bat nahi tum tension mat lena wo to aise hi bol rahi thi.... Wo bhi kyo mana karti ya kuch bolti unhone to mujhe pehle hi mana kar diya tha ki ab is shadi ki bat ko rehne hi do...
Aapko shayad ye sab bate yad na ho lekin ye sab bate aaj bhi mere kano me gunj rahi hai aur main aapki khushi ke liye apna gum sehte huye aapka har faisla manjur kar liya.
Maine jab aapko dubara kabhi pareshan nahi karne ka wada kiya tha to aaj dubara ye msg bhej kar sirf isiliye aapko pareshan kiya kyoki aapne agar mujh se sachcha pyar kiya hoga to aap bhi apne aap se yahi sawal puch rahe hoge ki maine aisa kyo kiya....
Ab mera khyal hai ki aapko bhi apna jawab mil gaya hoga aur shayad kuch galtiyo ka bhi ehshash ho gaya hoga...
Main sachcha pyar to paa nahi saka magar jo ek sachche dost pane ki tamanna thi wo bhi shayad adhuri hi reh gayi.
Main ab aapki zindagi me wapas to nahi aana chahunga kyoki is se ab shayad aapko bhi pareshani hi hogi......
Main kisi ko dhokha nahi dena chahta tha magar mujhse dhokha ho gaya (agar aapne mujh se sachcha pyar kiya tha to, nahi to phir dhokhe ki bat hi nahi uth ti hai, kyoki jaisa karoge fal bhi waisa hi milta hai) chahe anjane me hi sahi....
Ek dhokha main aur kisi ko dunga kyoki mujhe shadi to karni hi paregi aur jis ladki se bhi meri shadi hogi main use wo pyar kabhi bhi nahi de paunga jiski wo hakdar hai kyoki wo maine pehle hi kisi ko de diya hai (chahe usne mujhe diya ho ya nahi ye to wahi jane) aur dubara kisi ko dene ke liye mere pass kuch bacha bhi nahi hai.... Isliye ye to us ladki ke sath to dhokha hi hoga na magar mujhe majburi me use ye dhokha dena hi hoga kyoki jab main dhokha kha sakta hu to phir kya. Baki uski kismat......
Agar kam se kam aapka support mujhe continue milta rehta (jo ki main chahta tha aur yahi dekhne ke liye itni bate huyi thi) aur aapke ambition me main badha nahi banta (jo ki main nahi ban na chahta tha) to aaj kuch aur bat hoti aur humlog kahi aur hote..... Kyoki faisla abhi se hat kar hota.
Aapne mere sath jo bhi kiya shayad wo aapki koi majburi rahi hogi magar mujhe ab bhi yakin nahi ho raha hai ki aap bhi aisa kar sakte ho...... Aapke gharwalo ne jo kiya uspar to ek bar yakin to ho bhi jata hai magar kitni bhi koshish kar leta hu mujhe yakin nahi ho paa raha hai ki aap aisa kaise kar sakte ho... Jabki hakikat bhi mujhe pata hai ki aapne aisa kiya hai.....
Kam se kam aapko to itna yakin to ho hi gaya hoga na ki main aapki khushi ke liye kuch bhi kar sakta hu. Yaad karo wo time jab aap rutha karte the aur main pareshan ho jaya karta tha, chahe jaise bhi ho aapko mana liya karta tha... Aur kai bar jab aap nahi mante the to main aapse kaha karta tha ki ab main aapse bat nahi karunga lekin dusre/agle hi din main aapse bat karne lagta tha... Jis par aapne kai bar mujhe ye bhi kaha tha ki dekga aap mere bina nahi reh sakte ho aapne kaha tha bat nahi karunga magar aapse raha nahi gaya na aur bat karne lage...... Wo bat bhi sahi thi ki mujhe aapse bat kiye begair raha nahi jata tha..... Magar abhi aapne itna bara faisla lene se pehle ek bar bhi ye bat nahi sochi jabki aap jab mujhse bat karne se mana kar rahe the tab bhi main aapse mafi mangte huye yahi keh raha tha ki please aisa mat karo kam se kam bat karna to mat choro magar aapne meri ek nahi suni aur dosti ka wada aur promise daya wale din aapne jo wada kiya tha use bhi tor diya aur mujhe apna faisla suna diya.... Magar aapki khushi ke liye maine aapka ye faisla bhi na chahte huye maan liya....
Ye to ek sachchai hai ki aapke bina reh pau ya nahi magar jab aapki isi me khushi thi to mujhe ye faisla to kabul karna hi parega.... Aur main us faisle ko manjur kar bhi raha hu...
Pehle mujhe kam/work hota tha isiliye rato me jaga karta tha magar ab mujhe raato ko neend nahi aati hai isiliye jaga karta hu aur yahi sochta rehta hu ki aapne aise kyu kiya aur aap aisa kaise kar sakte ho.
Mujhe aapke last behaviour se itna to yakeen ho raha hai ki aap mera koi bhi msg nahi padhoge lekin phir bhi main aapse request karunga ki aap sab bato ko ek bar bhula kar mere sare msg ko padhna aur phir dhyan se sochna.... Ho sakta hai ki is se aapka man bhi halka ho jaye.......
REQUESTS –
Aap mera itna lamba msg padhna to nahi chahoge magar phir bhi main aapse request karunga ki sari bate bhula kar ek bar mere sare msg ko pura pura aur dhyan se jarur padhna aur phir sochna...
Aap ise meri antim iksha yani ki aakhiri request hi samajh lo...
Main ummind karunga ki aap meri aakhiri iksha/khwahish jarur puri karoge aur msg ko pura padhoge chahe jab bhi...
Alwida...... Is zindagi me na sahi agli zindagi me hi sahi kisi na kir mor par to jarur milenge tab tak khush rehna......
Aur meri aakhiri request bhi jarur puri karna aur pura msg dhyan se padhna....
Ab tak ke support ke liye bahut bahut dhanywad/thanks.....
A L W I D A..
Good bye......
Take care....
God bless you....
Always be happy....
Haa... ek bat aur bata dena chahta hu ki aap chaho ya na chaho har saal/year me ek din aapko jarur disturb kiya karunga.... Chahe aap mujhe uski permission do ya na do us ek khash din ko to main jarur aapko disturb karunga chahe jaise bhi ho.....
AAPKA ADHURA PYAR
JO AAPKO PAA NA SAKA
कोई टिप्पणी नहीं:
एक टिप्पणी भेजें