A TALK FOR GIRL - AM I RIGHT OR WRONG

A TALK FOR GIRL - AM I RIGHT OR WRONG

PARTY -1

A personal question to all of you...
Kya aapne kabhi kisi ko dhokha diya hai.....
Ya phir kisi ne aapko dhokha diya hai....
Jawab do aapka dil pakka halka hoga....

• • PARTY -2
    

    
    Ha mujhe ek ladki ne shayad dhokha diya..... Dosti me dhokhe ki bad to yakin se keh sakta hu kyoki usne kabhi na torne wali dosti ka wada karke use tor diya...... Aur shayad usne mujhe pyar me bhi dhokha diya hai... Magar pyar ke dhokhe me thori galti meri bhi thi ki main uska vishwas dekhna chahta tha ki kaha tak hai......
    
    Final result ye hua ki ab wo mujh se dur chali gayi hai aur mujhse bilkul bhi bat karna nahi chahti hai phone par bhi.....
    
    Phir bhi main use zindagi bhar kabhi nahi bhulunga aur uski jagah koi dusri nahi aa sakti hai.....
  • 
    
    

    
    

    PARTY -2
    

    
    Main abhi bhi us ladki se bat karna chahta hu...
    Magar shayad wo mujh se bat nahi karna chahti hai isiliye main bhi uski khushi ke liye use pareshan nahi karta hu aur bat karne ki koshish nahi karta hu aur mujhe dar bhi hai ki is wajah se wo kahi ye na samjhe ki main use bhul gaya hu...
    Main to use zindagi bhar yaad rakhunha chahe wo mujhe bhul jaye.....
    
    Maine us se ek question pucha tha aur use laga ki main uske upar shak kar raha hu....
    Jabki mere question puchne ki wajah ye thi ki jo niyam ya restriction mujh par lagu hoti hai wo dusre ladke par lagu kyo nahi hoti hai.... Bus maine yahi jan ne ki koshis ki thi aur wo mujh se dur ho gayi..
    Shayad use koi aur pasand aa gaya ho....
    

    
    

    
    

    PARTY -1

    Aapne kabhi use apne dil ki bat batayi thi ya nahi.
  • I mean you show your feelings to her or not.....
    

    
    
  • 
    

    
    

    PARTY -2
    

    
    Are aap bhi na ladki hokar kaisi bate karti ho maine uske samne apni feelings kya apne dil ki puri kitab khol kar rakh di thi magar phir bhi wo mujhe samajh nahi payi......
    
    Ab aap jan na hi chahte ho to main aapko puri bat batata hu....
    Meri us ladki se shadi hone wali thi aur is shadi ke liye sabhi taiyar the bus meri mummy ko thori aaptti thi magar bad me unhone bhi mujhe permission de di thi...
    
    Bus yahi par mere se thori si galti huyi ki maine ladki ko aur uske ghar walo ko ye bat pata nahi lagne di kyoki main dekhna chahta tha ki uska vishwas mujh par kaha tak hai....
    
    In bato ko 6 mahina bhi nahi bita hoga ki usne mujhe par kuch aisa pressure banana suru kiya ki mujhe sadma sa laga aur main use kuch keh nahi paya.... Usne mujhe sidha kaha ki jab tak aapki mummy ha nahi kehti hai tab tak aapko na to mujh se bat karne ki jarurat hai aur na hi mere ghar aane ki jarurat hai...;
    
    bus isi time usne kuch aisa kiya ki mujhe us par se vishwas uth gaya aur maine apni mummy ko tabhi gusse me mana kar diya tha ki ab main waha shadi nahi karunga ab aap mujhe kuch mat bolna...
    Magar iske kai din bad tak bhi uska koi response nahi aaya aur usne mujh se bat karne ki koshish bhi nahi ki..... Is se mera man aur bhi udas ho gaya magar phir bhi abhi tak uska intezar kar raha hu...
    

    
    

    PARTY -1

    
    

    Bat to aapne sahi kahi hai aur jaha tak aapne use apni mummy ke haa ke bare me nahi bataya wo bhi kuch had tak thik hi tha.
  • 
    Uske presure banane ki kuch to wajah hogi. Agar wo aapse sachcha pyar karti hoti to wo aapko jarur samajhati.
    

    
    

    
    

    PARTY -2
  • 
    Maine kai bar iski wajah jan ne ki koshish ki....
    Agar wo mujhe saf saf jawab deti to mujhe koi problem nahi hoti... usne jis tarike se jawab diya aur mere sath behave kiya main usi wajah se pareshan ho gaya tha.....
    
    Ab aap hi batao jab wo mujhe achche se janti to saf saf batane me kya pareshani thi jabki maine use ye bhi kaha tha ki agar koi aur ladka pasand aa jaye to mujhe bata dena main bich se hat jaunga....
    
    Ab man lo main uske ghar jaya aaya karta tha to use pareshani hoti thi ki log puchte hain magar jab koi aur ladka aakar waha 2-3 din tak rehta tha to us se bhi unhe yahi pareshani honi chahiye na..
    Magar mujhe jo unke sath uska vyavahar laga us se ye bilkul saf tha ki us ladke se unhe koi pareshani nahi hoti hai....
    
    Ab main kya karu ye khud mujhe bhi samajh me nahi aa raha hai.....
    Wo agar aise hi khush hai to phir dubara mera uske jindagi me jana to sahi nahi hoga na....
    

    
    

    
    

    PARTY -1
  • 
    Jo bhi ho aapki bato se to yahi lagta hai ki ladki ne aapke sath sahi me galat kiya hai , aur use aisa nahi karna chahiye tha, bharosha to har riste ki nib hoti hai aur usne wahi tor diya.
    Agar aapne sachcha pyar kiya hoga aur usne aapke sath galat kiya hoga to use apni zindagi me apni is faisle par jarur pachtana parega ki usne aapko chor kar dusre ko kyo chuna.
    Aap bhi use bhul kar apne kam par dhyan do to achcha rahega.
    Agar usko aapke pyar ki kadra hogi to wo dubar aapse bat karne ki koshish jarur karegi magar tab tak shayad aap badal chuke hoge.
    
    Mujhe ye bat kahni to nahi chahiye magar phir ki kehti hu ki delhi ki ladkiya aishi hi hoti hai isiliye aapko shadi ke liye koi mithila ki ladki chun ni chahiye. Unme alag hi sanskar hota hai. Wo kam se kam delhi ki ladkiyo ke tarah to nahi karti hain na.
    

    
    

    PARTY -2
  • 
    Waise aapko ye bat kehna to nahi
    chahta tha magar phir bhi keh
    raha hu wo ladki bhi apne
    mithilanchal ki hi hai aur main us
    par apne se bhi jyada vishwas
    karta tha. Magar ab maine faisla
    kiya hai ki ab main dubara uski
    zindagi me use dukhi karne nahi
    jaunga. Wo jaisi hai jiske sath hai
    bus khush rahe. Main yahi chahta
    hu mera kya main to kaise bhi ji
    lunga magar use bhul nahi
    paunga. Main isliye bhi ab uske
    zindagi me nahi jana chahta hu
    kyoki ek to mujhe uska jabardasti
    ka pyar nahi chahiye aur agar
    gaya to ye bate hamesha yad
    rahegi aur zindagi me hamesha
    karwahat gholati rahegi.
    Bus mujhe iska vishwas nahi ho
    raha hai ki wo aisa kaise kar sakti
    hai.
    

    
    

    PARTY -1
  • Aapki bato se jaha tak mujhe lagta
    hai ya to aapko sachcha pyar nahi
    karti thi ya phir wo ab badal gayi
    hai.
    Aapke liye yahi behtar hoga ki aap
    use bhul kar apne aap par dhyan
    do aur ek nayi zindagi ki suruat
    karo.
    Agar us ladki ne aapke sauh galat
    kiya hoga to zindagi me use kabhi
    na kabhi thokar jarur lagegi aur
    tab jakar use ye ehsash hoga ki
    usne abhi aapko ignore karke
    kitni bari galti ki thi.
    Waise mujhe ab bhi vishwas nahi
    ho raha hai ki mithila ki ladki bhi
    aisa kar sakti hai.
    Ok. Bye phir kabhi milungi.
    

    
    

    PARTY -2
  • thanks. Mujhe aapse bat karke bahut achcha laga aur man ko thori shanti mili. kisi ne sahi hi kaha hai ki dard batne se kam hota hai aur khushi batne se badti hai.
    Main uski zindagi me dakhal dene to dubara nahi jaunga bus bhagwan se yahi prathna karunga ki wo jaise bhi rahe jaha bhi rahe jiske sath bhi rahe bus khush rahe. Main to use mithi churi bhi nahi keh sakta hu ki mere samne kuch aur karti thi aur dusre ke samne kuch aur. Jo bhi ho wo mere liye achchi thi aur main hamesha use yad karta rahunga chahe wo mujhe yaad karti ho ya nahi. bus mujhe jabardasti ka pyar nahi chahiye tha isiliye main uski zindagi se dur ho gaya hu aur jaisi uski marji thi ki ab main us se bat nahi karu to aisa hi kar  raha hu. kabhi na kabhi wo bhi is blog ko jarur padhegi isiliye main use bhi kehan chahunga ki kabhi kisi ko kisi chij ka ahankar nahi karna chahiye. agar aap sundar ho aur aapko kai sare ladke chahte hain to iska matlab ye nahi hai ki sab aapko pyar karna hi chahte hai.