EK ADHURI PREM KAHANI - AN INCOMPLETE LOVE STORY

Story By. RAVI RAJ UMRAO

EK ADHURI PREM KAHANI - AN INCOMPLETE LOVE STORY

Ye ek sachchi kahani hai aur ho sakta hai ki ye aapko boring kahani lage kyoki jyadatar sachchi aur adhuri prem kahaniya boring hi hoti hai…….

Magar phir bhi aapse request hai ki aap is kahani ko pura aur dil ki geharaiyo se padh kar soche aur is kahani par apna comment jarur de aur ant me puche gaye sawalo ka bhi jawab de kyoki ye kisi ke zindagi ka sawal hai…………

KAHANI:-

1. Ek ladka aur ladki the jinki ek dusre se shadi hone wali thi aur dono "SHAYAD" ek dusre ko chahte bhi the.. (waise bhi ladkiyo ka pata nahi kab kise chahne lage) unke gharwalo ko bhi ye bat pata thi aur wo sab bhi yahi chahte the.

2. Unke shadi me ek hi chij ki rukawat thi jis par ladke ki maa ko aitraj tha.. Magar phir bhi ladki ke ghar wale chahte the ki ye shadi ho jaye..

3. Bad me ladke ki maa bhi is shadi ke liye taiyar ho gayi magar ladke ne apni maa ko kaha tha ki aap kahi par abhi ye mat batana ki ab aap shadi ke liye taiyar ho aap bus pehle ke tarah hi bat ko talte rehna.. magar ladki ko aur uske gharwalo ko bhi indirectly achche se bata diya tha ki meri maa bhi raji hai aur keh rahi hai ki thik hai 3 saal bad shadi karna kyoki ladki ke gharwale bhi aisa hi chahte the…..

4. Ladke ne aisa isliye kaha aur kiya tha kyoki us time uske ghar me thori bahut problem thi aur wo ye bhi dekhna chahta tha ki ladki ke gharwalo ko aur khashkar ke ladki ko us par kitna bharosha hai..

5. Ladke ne ladki ko aur uske ghar walo ko apni ek bari aur sachchi samasya batayi jisko ki ladki ke gharwalo ne khashkar ladki ne bhi koi gambhirata se nahi liya.. Unhe ye bat jara bhi serious nahi lagi..

6. Bus isi time ladke ko sadma sa laga ki ladki ko bhi us par vishwas nahi hai aur wo bhi uske bato ka bharosha nahi karti hai jabki bahut sari sachchai use pata hai...

7. Itna sab batane ke bad bhi ladki ko aur uske gharwalo ko ladke ki bato par vishwas nahi hua jabki us bat ki sachchai unhe bhi pata thi ki ladka sach bol raha hai.

8. in sab ke bad ladki aur uske gharwalo ne ladke se bat karna band kar diya. Is bat ko bhi aakhir me ladke ne manjuri de di ki ye ladki ka mamla hai aur ladke ne us se wada kiya tha ki jis me ladki khush rahegi wo wahi karega aur ladke ne bhi kai bar nakam koshish karne ke bad bat karni band kar dim agar phir bhi ladki ne bhi us se bat nahi ki aur na hi uske gharwalo ne….

9. ladka barabar ladki ke ghar jata tha isiliye ladki wale sab uske upar pressure banate the ki aas parosh ke log kya kahenge isiliye jaldi se shadi ke liye ha kaho… ladka shadi ke liye to puri surety ke sath haa keh deta tha magar bich me kehta tha ki mummy boli hai 3 sal bad shadi karna abhi jo kar raha hai wo padhai puri kar le phir wahi par shadi kar lena magar abhi nahi….

10. us se pehle bhi ek aur ladka jo us ladki ko chahta tha (aur ye bat ladki ke gharwale bhi jante the) wo bhi uske ghar barabar aaya jaya karta tha aur kai dino tak ruk bhi jaya karta tha… wo ladka jo ki paise wala tha (main bhi jis ladke ki kahani likh raha hu wo high level study kar raha hai aur sabko pata hai ki iske bad uske pass paiso lki koi kami nahi hogi) aur ladki aur uske ghar walo ko aish karwata tha aur har chij me unki help karta tha aur har kuch me chahe wo sahi ho ya galat unke haa me haa milate rehta tha…

11. ladke ko is bat se bahut taklif hua ki us ladke se batchit hoti hai wo aata jata hai 2-3-4 din tak hamesha ghar me ruka rehta hai to kisi ko koi taklif nahi hoti hai aur mere jane aane se bat karne se ab sabko taklif hone lagti hai…

12. ladke ne kuch aisa bhi dekha ki dusra ladka jo kai bar aakar raha karta hai ladki aur uske ghar wale us se bat karte rehte hai magar mujh se  bat nahi karte hain aur mujhe bina kisi karan ke ignore karte hain aur us ladke ke pith piche kehte hain ki wo to aise hi aate jate rehta hai us se shadi thore na karni hai use to saf saf mana kar diya hai ……

13. bus isi sab ki sachchai ko jan ne ke liye jab ladke ne ladki par jor dena shuru kiya to ladki ladke se dur hone lagi aur use ignore karne lagi aur bat bat par kuch aisa karne lagi ki ladka us se jyadatar time dur hi rahe…

14. pehle shayad aisa koi din nahi tha jab ladki ladke se bat nahi karti thi…. Chahe jaise bat ho magar ab use ye sab faltu lagne laga tha…

15. ladke ka unpar se bharosha isliye uthne laga kyoki ladki ke ghar me jitne log the utni tarah ki bate karte the, sab ki bate alag ala gaur kuch had tak jhuthi bhi lagti thi….. is ladke ke jane se problem hoti thi, bat karne se problem hoti thi magar dusra jo paise wala ladka tha na to uske jane se problem hoti thi aur na hi uske bat karne ki wajah se problem hoti thi…. Aur ladki ke gharwale aur ladki kehti rehti thi ki shadi to aapse honi hai wo ladka (paise wala) to aise hi aata jata rehta hai aur ladki ke papa ne kasam bhi khai thi is bat ko lekar…..

16. jaha tak ladke ko laga ki ab ladki aur ladki ke gharwale use pasand nahi karte hain aur shayad unhe koi aur shayad wahi paisa wala ladka pasand aa gaya hai, kyoki ladki aur uske ghawalo ke behaviour ke wajah se aisa saf lag raha tha kyoki wo dusre ladke ko kisi chij ke liye bhi mana nahi karte the bus is ladke ko hi kehte rehte the….

17. ladke aur ladki ke bich aise relation the ki ab wo is condition me nahi the ki ek dusre ko bhul paye… magar ladki ne us se is tarike se bat karna suru kiya ki pata hi nahi lagta tha ki in logo ke itne achche relations the…

18. ladke ne kai bar ladki se bat karne ki koshish ki magar ladki aur ladki ke gharwalo ne use taal diya aur us se bat nahi kiya…

19. ab ladke ke pass aur to koi rasta tha nahi kyoki wo jis par apne se bhi jyada vishwas karta tha jise wo hamesha khush dekhna chahta tha us ladki ne uske sath aisa vyawahar kiya tha…. Ladke ka dil puri tarah se tut gaya aur uska pyar aur dosti par se bharosha uth gaya kyoki ladki na to dosti hi nibha pa rahi thi aur na hi pyar..

20. un dono ne ek dusre se ek wada kiya tha…. Ladke ne ladki se wada kiya tha ki main tumhe hamesha khush dekhna chahta hu aur tumhare khushi ke liye mujhe apna har gam manjur hain aur agar tumhe koi aur ladka pasand aa jaye to tum mujhe saf saf bata dena main tumhari zindagi se dur chala jaunga, magar ladki ne aisa kuch kaha nahi tha ki use koi aur ladka pasand aa gaya hai ….. ladki ne us se wada kiya tha ki chahe kuch bhi ho jaye hamari shadi ho na ho main hamesha aapki dost rahungi aur hamesha aapse bat karti rahungi.

21. aaj jo situation hai wo ye hai ki ladka ladki se bat nahi karta hai magar ladki khush hai use is bat ka bilkul bhi gam nahi hai ki usne ladke ke sath kya kiya hai..

22. ladka apna wada nibhate huye ladki ke zindagi se to dur hone ki koshish kar raha hai magar wo un yado ko bhula nahi paa raha hai aur gum ke sahare ji raha hai magar phir bhi ladki ko ya uske gharwalo ke ye pata lagne nahi de raha hai ki use koi taklif hai wo bus isliye taki ladki ke khushi me koi fark na pare wo hamesh khush rahe chahe jiske sath rahe.

Ab is kahani se kuch sawal samne aate hain agar aaplog uska jawab de to mujhe ladke ke gam ko dur karne me thori madad milegi kyoki ladka mera dost hai aur main use achchi tarah se janta hu ki wo apni bat ko pura karne ke liye kuch bhi kar sakta hai chahe is se use hi dukh kyo na mile…..

QUESTIONS:-

1.   kya ladke ne sahi kiya ya phir ladka galat tha….

2.   Ladki ne aisa kyo kya…

3.   Kya ye ladki ka ya uske gharwalo ka ladke ke upar bharosha tha….

4.   Ladki ne aise behave kiya jaise wo ldke ko pyar karti hi nahi thi jabki usne kai bar ladke se pyar ka izhar kiya hai aur ladke ke pass iska sabut bhi hai..

5.   Ab ladke ne apni maa ko mana kar diya ki ab wo waha shadi nahi kar sakta hai kyoki ladki ko bhi uske upar vishwas nahi ha.. kya ladke ne inkar karke sahi kiya…

6.   Ladka jo dusre paise wale ladke ke bare me soch raha hai kya wo sahi hai jabki ladki ke gharwalw abhi bhi saf taur par is se inkar kar rahe hain lekin ye sahi hai ki unhone us paise wale ladke ko mana nahi kiya hai.

7.   Ladke ko abb hi bharosha nahi ho raha hai ki ladki uske sath aisa kar sakti hai…

8.   Ladka aajkal bahut hi tension me rehata hai aur samajh nahi paa raha hai ki wo kya kare… kiase is gum ko dur kare…

9.   Ladka us ladki se jabardasti ka pyar nahi chahta hai isilie wo us ladki ko ab ye bhi nahi keh sakta hai ki ladke ki maa ko shadi se koi aitraj nahi hai.. wo kya kare.....

10. Main ab apne dost ki kaise madad karu aur use sadme se bahar nikal saku.

Aap is kahani par apna bhi koi comment jarur de… iske liye main aapka aabhari rahunga..

Note:- Agar is se kisi ka dil dukh raha ho to mujhe uske liye khed hai kyoki maine kisi ke dil dukhane ke liye ye kahani nahi likhi hai… iska ek matra udeshya yahi hai ki main apne dost ki taklif dur kar saku……

DHANYAWAD…….. THANKS

Please apna kimti comment aur mere sawalo ka jawab jarur de………………